ماهي محفظة فودافون كاش وكيفية إستخدامها - شرح كامل بالتفصيل



 معروف أن شركة فودافون هي الشركة رقم 1 فى مصر وتسعي دائما لتقديم الخدمات الأفضل لعملائها وفى هذا الموضوع سنتناول أحد الخدمات التى تقدمها الشركة وهي خدمة فودافون كاش والتى أثبتت نجاحها فعليا وذلك بزيادة عدد المستخدمين للخدمة فى السنوات الأخيرة فهناك من يستخدمها لتحويل الأموال لشخص آخر فى مكان اخر بضغطة زر وهناك من يستخدمها للشراء من مواقع التسوق على الانترنت وهناك من يستخدمها لحفظ أمواله واستخدامها فى أي مكان من خلال ماكينات ال atm

ماهي خدمة فودافون كاش :

بكل بساطة فودافون كاش هي محفظة إلكترونية تقدر تحط عليها فلوسك أو تسحبها.. فى أي وقت ومن أي مكان
بمعني آخر هي أشبه بحساب بنكي بسيط يقدر اي شخص يعمله فى ثواني من خلال اي فرع فودافون وبدون الإجراءات المعقدة للبنوك
يعني مثلا لو معاك 10 آلاف جنيه ممكن تحطهم على فودافون كاش بدل ماتحطهم فى البنك او في  مكان اخر ويكونوا معرضين للسرقة أو أي مشاكل وحوادث أخري , وتقدر تسحب منهم المبلغ اللى تحبه فى أي وقت ومن اي مكان , سواء من أي فرع من فروع فودافون أو حتي من الشارع لأن ماكينات ال atm أصبحت موجودة فى كل مكان .
واللى بيميز الخدمة إنك تقدر تسحب الفلوس من خلال ماكينة atm بدون إدخال كارت يعني بضغطة واحدة من الموبايل تقدر تسحب المبلغ اللى إنت عاوزه من الماكينة
 كمان تقدر تشترى من أي موقع على الإنترنت ومن أي مكان فى العالم لأن الخدمة بتتيح لك تطلع بطاقة للشراء من الإنترنت بضغطة زر من الموبايل وفى ثواني بسيطة
كمان من خلال فودافون كاش تقدر تدفع فواتير الغاز والكهرباء والمياه
ومن الميزات المهمة جدا فى فودان كاش انك تقدر تستخدمها فى شحن رصيد الهاتف يعني لو الوقت متأخر ومش هتقدر تنزل الشارع عشان تشحن رصيد موبايلك فى اللحظة دي ممكن تستخدم فودافون كاش بكل سهولة عشان تحول رصيد للهاتف 
مش بس كدا ده من خلال فودافون كاش ممكن تحول فلوس لشخص فى مكان تاني ويستلمهم فى ثواني
 كل المميزات دي وغيرها هنشرحها بالتفصيل فى السطور القادمة

مين يقدر يستخدم فودافون كاش :

كل الناس تقريبا تقدر تعمل فودان كاش سواء كان الخط بتاعك على نظام الكارت أو نظام الفاتورة أو نظام البيزنس .

إزاي نعمل حساب فودافون كاش او طريقة فتح حساب فودافون كاش




بكل بساطة هتروح أقرب فرع لشركة فودافون ويمكنك معرفة أقرب فرع فودافون إليك عن طريق الإتصال بالكود التالي: #9*9*
لازم يكون معاك بطاقة الرقم القومي ويجب أن تكون سارية 
لازم يكون عندك خط فودافون وإذا مكنش عندك خط فودافون ممكن تشترى واحد فى لحظتها وتفعل الخدمة عليه ( سعره 120 جنيه )
يتم تفعيل خدمة فودافون كاش تقريبا مجانا أو برسوم بسيطة جدا , أعتقد يوم مافعلتها كانت الرسوم 5 جنيه فوق ثمن الخط
بعد الإشتراك هيجيلك رسالة لإنشاء رقم سري مكون من 6أرقام , الرقم السري ده هو اللى هتكون انت بس اللى حافظه عشان تسخدمه بعد كدا فى سحب وإيداع وتحويل الأمول وأيضا كل العمليات اللى هتقوم بيها بإستخدام فودان كاش
ملحوظة : الرقم السري ده تقدر تغيره بعد كدا فى أي وقت , يعني أثناء وجودك فى فرع فودان هيطلب منك الموظف تحط رقم سري حاول تختار رقم عشوائي مثل 100100 بشكل مؤقت لحد ماترجع البيت وتفكر براحتك هتعمله ايه 
بعد كتابة الرقم السري اتصل بالكود #5*9*  لتفعيل الخدمة
لما ترجع البيت وحبيت تغير الرقم السري إطلب الكود التالى #2*9* 

ايه هو الرقم اللى بيعرض كل الخيارات فى فودافون كاش ؟

اطلب الرقم #9* بعدها هيظهرلك قائمة بكل خدمات فودافون كاش تقدر تختار من بينها انت عاوز تعمل ايه بالظبط سواء تحويل أموال أو سحب من ماكينة atm أو دفع فواتير الغاز والكهرباء والماء او الدفع أونلاين

ازاي أعرف الرصيد فى حسابي فى فودافون كاش - طريقة الإستعلام عن رصيدي فى فودافون كاش :

اطلب الرقم #13*9*
وبعدها دخل الرقم السري للتأكيد 

ايه هي الأماكن اللى تقدر تعمل منها سحب وإيداع فى فودافون كاش

تقدر تعمل ايداع أو سحب من خلال فروع فودافون أو اي موزع معتمد أومن خلال خدمتي الدفع الإلكتروني فورى وأمان , أو من اي ماكينة صراف آلى atm تابعة للبنوك التالية :
بنك القاهرة , بنك مصر , البنك الأهلى , بنك قطر الوطني ,cib,المصرف المتحد ,بنك الأسكندرية ,بنك التعمير والإسكان , البنك الأهلى المتحد ,بنك قناة السويس ,بنك عودة

ازاي احط فلوس على محفظة فودافون كاش من اي فرع فودافون (كيفية عمل إيداع فى فودافون كاش عن طريق أي فرع فودافون ) :

 تروح أي فرع من فروع فودافون وتقوله عاوز اعمل ايداع على فودافون كاش الموظف هيطلب منك فقط رقم الخط 
لا يوجد أي رسوم على عملية الإيداع فى فودافون كاش من خلال فروع فودافون

ازاي أحط فلوس على محفظة فودافون كاش من اي مكان بيقدم خدمة الدفع الإلكتروني فورى أو أمان(عمل إيداع على فودافون كاش من خلال فورى وأمان ) :



 هتروح أي مكان جنبك عنده خدمة الدفع الالكتروني فورى او امان وتقوله عاوز احول مبلغ معين على حسابي فى فودافون كاش وتعطيله رقم خط فودافون الخاص بمحفظة فودافون كاش .. بعد التحويل هيجيلك رسالة للموافقة على هاتفك

كيفية عمل إيداع فى فودافون كاش من خلال ماكينة الصراف الآلى atm الموجودة فى الأماكن العامة :

أولا هتتأكد إن ماكينة الصراف الآلى atm بها مدخل آخر للإيداع كما بالصورة



من خلال الشاشة قم بإختيار" خدمات بدون بطاقة ".. ثم إضغط علي "المحافظ الإلكترونية".. ثم قم بإختيار اللغة العربية .. ثم قم بالضغط على إيداع .. ثم أدخل رقم الهاتف الخاص بمحفظة فودافون كاش ثم إضغط على زر إستمرار  .. بعدها أدخل الرقم السري الخاص بالمحفظة .. الآن سيتم فتح المدخل الخاص بالإيداع قم بإدخال المبلغ الذى تريد إيداعه
ملاحظات :
 يجب أن لا يزيد  المبلغ الذى تقوم بإيداعه عن 30 ورقة
أيضا لايجب وضع ورق نقدي اقل من 50 جنيه 
 يجب أن لايكون فى الورقة النقدية أي عيوب مثل القطع واللزق او يوجد عليها كتابة بالقلم
 بعد الإدخال إنتظر حتي تقوم الماكينة بعد المبلغ وإظهار الرقم على الشاشة .. إذا كان الرقم صحيح إضغط على زر "المبلغ صحيح " .. بعد ذلك إنتظر قليلا إلى أن يظهر إيصال من الماكينة وهنا تكون قد أتممت عملية الإيداع بنجاح

ماذا أفعل عند حدوث أي خطأ أثناء عملية الإيداع فى فودافون كاش مثل عدم خروج ايصال بالمبلغ الذى تم إيداعه أو عدم إضافة المبلغ إلى حسابك فى فودافون كاش رغم إيداع المبلغ فى ماكينة atm :

أولا قم بمعرفة رقم الماكينة .. ولمعرفة رقم ماكينة atm قم بسحب أي مبلغ لكي يخرج لك إيصال مدون عليه رقم الماكينة .. بعد ذلك قم بالإتصال بـ رقم خدمة عملاء فودافون كاش وهو 7001 وقم بإبلاغهم بتفاصيل المشكلة
لا يوجد أي رسوم على عملية الإيداع فى فودافون كاش من خلال ماكينة atm

إزاي أعمل سحب لأموالى من فودافون كاش من أي فرع فودافون  :

هتروح أي فرع فودافون وتقول لهم إنك عاوز تسحب مبلغ معين من حسابك .. هيطلب منك الموظف بطاقة الرقم القومي وكمان هيتأكد إن الرقم بتاعك فعلا وبعدها هيطلب منك تطلب كود معين عشان تأكد عملية السحب .. وفى النهاية هيعطيك المبلغ المطلوب
رسوم السحب من فروع فودافون هي 1% من المبلغ الذي يتم سحبه بحد أدني 3 جنيه .. يعني لو هتسحب أقل من 300 جنيه هيكون الرسوم 3جنيه .. لوفوق 300 جنيه هيكون الرسوم 1% من المبلغ اللى انت بتسحبه

إزاي تعمل سحب لفلوسك من فودافون كاش عن طريق ماكينة atm (ماكينة الصراف الآلى) -طريقة سحب أموالك من حساب فودافون كاش عن طريق ماكينة atm :





هتروح لأقرب ماكينة atm خاصة بالبنوك التالية :
بنك القاهرة , بنك مصر , البنك الأهلى , بنك قطر الوطني ,cib,المصرف المتحد ,بنك الأسكندرية ,بنك التعمير والإسكان , البنك الأهلى المتحد ,بنك قناة السويس ,بنك عودة
الخطوة الأولى : ستقوم بطلب الكود التالى من خلال هاتفك #22*9* (نجمة تسعه نجمة اثنان وعشرون شباك )
ثم اضغط اتصال
إكتب المبلغ اللى عاوز تسحبه (من 20 جنيه إلى 6000 جنيه )
بعدها دخل الرقم السرى الخاص بـفودافون كاش
فى النهاية هيجيلك رسالة نصية فيها "الرقم السري المؤقت " وده الرقم اللى هتطلبه منك ماكينة ال atm

الخطوة الثانية : روح لماكينة الatm 
هتلاقي على شاشة الماكينة جملة "خدمات بدون بطاقة " قم بالضغط عليها .. بعد ذلك قم بالضغط على" المحافظ الإلكترونية " .. بعد كدا إختار اللغة العربية .. ثم قم بإختيار سحب نقدي ..الآن قم بإدخال رقم الهاتف الخاص بفودافون كاش ثم إضغط إستمرار .. بعد ذلك سيطلب منك إدخال الرقم السري المؤقت وهو الرقم الذى تم إرساله مسبقا فى رسالة نصية على الهاتف الخاص بك ..بعد ادخال الرقم السري المؤقت إضغط على إستمرار .. بعد كدا دخل الرقم الصحيح للمبلغ اللى عاوز تسحبه من الماكينة وإضعط على "المبلغ الصحيح" ..بعد ذلك سيظهر لك سؤال هل تريد ايصال أم لا .. اضغط على "نعم " .. انتظر قليلا حتي تقوم ماكينة ال atm بإخراج المبلغ المطلوب وأيضا إخراج الإيصال الخاص بعملية السحب
رسوم السحب من ماكينة atm هي 1% من المبلغ الذي يتم سحبه بحد أدني 3 جنيه .. يعني لو هتسحب أقل من 300 جنيه هيكون الرسوم 3جنيه .. لوفوق 300 جنيه هيكون الرسوم 1% من المبلغ اللى انت بتسحبه

ايه المبالغ المسموح بيها فى فودافون كاش ؟

الحد الأقصي للمحفظة هو 50 ألف جنيه
الحد الأقصي للتعاملات اليومية هو 30 ألف جنيه
الحد الأقصي للتعاملات الشهرية هو 100 ألف جنيه

إزاي أتصرف لو نسيت الرقم السري لفودافون كاش ؟


لو نسيت الرقم السري لفودافون كاش بكل بساطة  من البيت قم بالإتصال على الكود التالى #12*9* .. هيطلب منك رقم البطاقة (بطاقة الرقم القومي) .. بعد إدخال رقمك القومي تستطيع وضع رقم سري جديد  

إزال تحول فلوس أو طريقة تحويل الأموال بإستخدام فودافون كاش ؟




الطريقة الأولى تحويل الأموال بإستخدم تطبيق "أنا فودافون" 
بعد فتح التطبيق قم بإختيار فودافون كاش ثم الضغط على "تحويل أموال "
سيظهر لك ثلاث خانات فى الأولي قم بكتابة رقم الهاتف الذى تريد الإرسال اليه أو اضغط على الرمز الذى بجانب الخانة لكي تذهب إلى سجل الأرقام على هاتفك وتختار منه الرقم المطلوب
فى الخانة الثانية أدخل المبلغ المطلوب تحويله من 5 إلى 30000 جنيه
فى الخانة الثالثة أدخل الرقم السري ثم إضغط على زر حول الآن


الطريقة الثانية من خلال طلب الكود التالى #7*9* سيظهر لك 3 خيارات :

يفضل كتابة 1 وهو رقم الإختيار الأول وإضغط على زر إرسال
الآن أدخل رقم الهاتف الذي تريد التحويل إليه ثم إضغط على زر إرسال
بعد ذلك ستظهر لك رسالة لتأكيد أن الرقم صحيح 
 قم بإدخال الرقم 1 ثم إضغط على الزر إرسال
الآن أدخل المبلغ الذى تريد تحويله
  وبعدها أدخل الرقم السري لتأكيد عملية التحويل

ازاي أقدر أو كيف أستطيع تغيير الرقم السري الخاص بـ فودافون كاش؟

تقدر تغير الرقم السري القديم وإستبداله برقم سري جديد عن طريق طلب الكود التالى #2*9* ثم إدخال الرقم السري القديم وكتابة الرقم السري الجديد

ازاي اشتري او طريقة الشراء أونلاين من خلال مواقع الانترنت بإستخدام فودافون كاش ؟



من الخدمات الرائعة التى تقدمها فوادافون كاش أيضا خدمة الدفع أونلاين والتي تمكنك من الشراء من مواقع الإنترنت المختلفة يعني تقدر مثلا تشتري تطبيقات او العاب من متجر جوجل أو تشتري ملابس من مواقع التسوق العالمية والمحلية مثل جوميا وسوق دوت كوم أو تعمل اعلانات على فيسبوك وجوجل  وغيرهم من المواقع الاخري .. بكل سهولة ويسر وبضغطة زر تستطيع إصدار رقم كارت للشراء أونلاين وعليه المبلغ فقط الذى تريد الشراء به بحيث لا يتم سحب غيره من رصيد حسابك .. بمعني لو وجدت شئ ثمنه 20 دولار على أحد المواقع وتريد شراءه يمكنك إصدار بطاقة بقيمة 20 دولار فقط للدفع .. 
والطريقة كالتالى :
من خلال تطبيق انا فودافون ثم الضغط على فودافون كاش .. ثم إختيار الدفع أونلاين .. ثم كتابة المبلغ الذى تريد إصدار الكارت به والضغط على "أصدر الكارت "
الطريقة الثانية من خلال طلب الكود التالى : #100*9*
ثم كتابة المبلغ الذى تريده على الكارت
بعدها أدخل الرقم السري للتأكيد

فى النهاية سيصلك رسالة نصية على الهاتف بها رقم كارت "ماستر كارد "والرقم السري الخاص به تستطيع إستخدامه للشراء أونلاين من أي موقع


ازاي تدفع بـ فودافون كاش عن طريق الـ QR كود :
للدفع فى أي مكان يقبل الدفع بالـ QR استخدم تطبيق انا فودافون كالتالى :
إفتح التطبق ثم قم بالضغط على فودافون كاش ثم "ادفع بالكود"
قم بتصوير كود ال QR هيجيلك اسم التاجر 
لتأكيد الدفع قم بإدخال ارقم السري لمحفظة فودافون كاش

طريقة شحن الرصيد بإستخدام فودافون كاش :

اطلب #10*9*
إختار هتشحن لرقمك ولا لرقم تاني
إكتب رقم مبلغ الشحن
أدخل الرقم السري لتأكيد عملية الشحن

طريقة تجديد باقة فليكس أو الإنترنت بإستخدام فودافون كاش :

اطلب #28*9*
إختار هتجدد باقة فليكس أو باقة الانترنت
أدخل الرقم السري لتأكيد التجديد 

طريقة شحن كروت فكرة بإستخدام فودافون كاش :

اطلب #200*9*  لشحن كارت فكة 2 جنيه
اطلب #400*9*  لشحن كارت فكة 4 جنيه
اطلب #600*9*  لشحن كارت فكة 6 جنيه
اطلب #800*9*  لشحن كارت فكة 8 جنيه

بعد كدا إختار هتشحن لرقمك ولا لرقم تاني
فى النهاية ادخل الرقم السري لتأكيد عملية الشحن

طريقة دفع فاتورة انترنت فودافون adsl :

اطلب #9*
اختار شحن ودفع فاتورة 
ثم دفع adsl من الرصيد
قم بإختيار الدفع لرقمك ولا لرقم تاني
دخل الرقم السري لتأكيد الدفع

طريقة دفع فاتورة فودافون بإستخدام فودافون كاش :

من خلال تطبيق انا فودافون
او قم بطلب الرقم التالى من خلال هاتفك: 
#المبلغ*الرقم*4*9*

طريقة التبرع للمؤسسات الخيرية بإستخدام فودافون كاش :




من خلال إستخدام تطبيق أنا فودافون أو قم بطلب الرقم التالى #104*9*
اختار المؤسسة التى تريد التبرع لها
أدخل رقم التبرع
أدخل الرقم السري لتأكيد الدفع

ازاي ادفع أو طريقة دفع فواتير الكهرباء والماء والغاز بإستخدام فودافون كاش :




 قم بطلب الرقم #105*9* .. بعدها إختار نوع الفاتورة اللى هتدفعها .. بعدها دخل رقم الفاتورة لمعرفة المبلغ المستحق .. ثم لتأكيد الدفع أدخل الرقم السري وبعدها ستحصل على رسالة بإيصال الدفع

إزاي ادفع او طريقة دفع مصروفات الجامعة أو المدرسة بإستخدام فودافون كاش :

قم أيضا بطلب الرقم #105*9* ثم إختيار "التعليم "


ماهو رقم خدمة عملاء فودافون كاش :

رقم خدمة عملاء فودافون كاش هو 7001

إرسال تعليق

أحدث أقدم